Skip to content
Welcome to Seeds Children’s Bookstore!
FREE SHIPPING in HK for orders over HK$599
【全職媽媽去創業】共讀瞥契機 開童書店推廣閱讀

【全職媽媽去創業】共讀瞥契機 開童書店推廣閱讀

Published Date: 10/21/2016

很多人講起創業,會先談起商機。然而全職媽媽的創業故事,卻絕少談起二字。因為她們的意念往往多源於小朋友的生活,覺得對自己小朋友好,見到其他家長也有需要便去做。可以好純粹,但又很有意義。

一切由與女兒共讀開始
童書店老闆,總給人溫婉文靜的感覺。不過Seed Children’s Bookstore的創辦人譚再思(Joyce),卻是一副女強人的模樣。「我以前和先生一樣做金融業,雖然依家無做金融搵到咁多錢,但做呢度好開心,份滿足感係無法形容嘅。」

6年前生下大女,Joyce退下火線任全職媽媽,自女兒半歲大便開始跟她讀繪本,一讀上癮,「閱讀唔只係單向咁讀,更可以有好多問答,更可以一齊玩遊戲,好開心!而個女亦可以完全感受到我嘅愛。我同小朋友建立嘅關係中, 閱讀真係幫咗我好多。」正修讀心理學碩士的Joyce更稱,小朋友若在4歲前接受到更多的愛,海馬體會較大。親身感受過閱讀的威力,Joyce在女兒兩歲後,決定開展自己第二個事業。

對準目標市場 細心挑選圖書
和上一篇媽媽創業故事一樣,Joyce開書店是一名新手,由零開始。她選擇先主力辦展覽及網店,以接觸更多家長。一年後時機成熟,選址中環會德豐大廈,開設第一間實體店。「我之前喺中環返工,好清楚中環人對小朋友教育嘅期望同要求。」對準目標市場外,Joyce認為小心入貨很重要,「我哋對投資金額有預算,亦會小心處理入貨量;如果你唔熟悉市場,唔睇書,係唔可以嘅。」Joyce更指,「香港好多書商賣書,根本冇睇過啲書。」她深信,賣書不是貿易生意,更不是賣紙,所以致力為圖書增值。去年年底更搬到現址,預留空間作課室,開辦與閱讀和教養有關的課程。

Joyce昔日讀商科,純粹因為家人都是做銀行,「畢業後好自然入呢行,雖然做得幾好,但都係返工等食飯,食飯等放工。但而家覺得返工是一種享受,成功感好大,像搵到『第二生命』。」會否因『第二生命』而冷落女兒? 「佢哋要知道,爸媽都有自己工作,唔能夠俾晒所有時間佢哋;我工作好認真,希望佢哋可以從旁學到。」Joyce補充,「唔係因為咁,小朋友都唔會有咁多好書睇。而家連我個女都識得自己揀書!」

Source: Oh爸媽
Previous article 《The incredible book rating boy》細味書本
Next article 【連鎖大品牌之外】5間值得爸媽造訪的本地 童書店

Compare products

{"one"=>"Select 2 or 3 items to compare", "other"=>"{{ count }} of 3 items selected"}

Select first item to compare

Select second item to compare

Select third item to compare

Compare