【全職媽媽去創業】共讀瞥契機 開童書店推廣閱讀
Published Date: 10/21/2016
很多人講起創業，會先談起商機。然而全職媽媽的創業故事，卻絕少談起二字。因為她們的意念往往多源於小朋友的生活，覺得對自己小朋友好，見到其他家長也有需要便去做。可以好純粹，但又很有意義。
一切由與女兒共讀開始
童書店老闆，總給人溫婉文靜的感覺。不過Seed Children’s Bookstore的創辦人譚再思（Joyce），卻是一副女強人的模樣。「我以前和先生一樣做金融業，雖然依家無做金融搵到咁多錢，但做呢度好開心，份滿足感係無法形容嘅。」
6年前生下大女，Joyce退下火線任全職媽媽，自女兒半歲大便開始跟她讀繪本，一讀上癮，「閱讀唔只係單向咁讀，更可以有好多問答，更可以一齊玩遊戲，好開心！而個女亦可以完全感受到我嘅愛。我同小朋友建立嘅關係中， 閱讀真係幫咗我好多。」正修讀心理學碩士的Joyce更稱，小朋友若在4歲前接受到更多的愛，海馬體會較大。親身感受過閱讀的威力，Joyce在女兒兩歲後，決定開展自己第二個事業。
對準目標市場 細心挑選圖書
和上一篇媽媽創業故事一樣，Joyce開書店是一名新手，由零開始。她選擇先主力辦展覽及網店，以接觸更多家長。一年後時機成熟，選址中環會德豐大廈，開設第一間實體店。「我之前喺中環返工，好清楚中環人對小朋友教育嘅期望同要求。」對準目標市場外，Joyce認為小心入貨很重要，「我哋對投資金額有預算，亦會小心處理入貨量；如果你唔熟悉市場，唔睇書，係唔可以嘅。」Joyce更指，「香港好多書商賣書，根本冇睇過啲書。」她深信，賣書不是貿易生意，更不是賣紙，所以致力為圖書增值。去年年底更搬到現址，預留空間作課室，開辦與閱讀和教養有關的課程。
Joyce昔日讀商科，純粹因為家人都是做銀行，「畢業後好自然入呢行，雖然做得幾好，但都係返工等食飯，食飯等放工。但而家覺得返工是一種享受，成功感好大，像搵到『第二生命』。」會否因『第二生命』而冷落女兒？ 「佢哋要知道，爸媽都有自己工作，唔能夠俾晒所有時間佢哋；我工作好認真，希望佢哋可以從旁學到。」Joyce補充，「唔係因為咁，小朋友都唔會有咁多好書睇。而家連我個女都識得自己揀書！」
Source: Oh爸媽
很多人講起創業，會先談起商機。然而全職媽媽的創業故事，卻絕少談起二字。因為她們的意念往往多源於小朋友的生活，覺得對自己小朋友好，見到其他家長也有需要便去做。可以好純粹，但又很有意義。
一切由與女兒共讀開始
童書店老闆，總給人溫婉文靜的感覺。不過Seed Children’s Bookstore的創辦人譚再思（Joyce），卻是一副女強人的模樣。「我以前和先生一樣做金融業，雖然依家無做金融搵到咁多錢，但做呢度好開心，份滿足感係無法形容嘅。」
6年前生下大女，Joyce退下火線任全職媽媽，自女兒半歲大便開始跟她讀繪本，一讀上癮，「閱讀唔只係單向咁讀，更可以有好多問答，更可以一齊玩遊戲，好開心！而個女亦可以完全感受到我嘅愛。我同小朋友建立嘅關係中， 閱讀真係幫咗我好多。」正修讀心理學碩士的Joyce更稱，小朋友若在4歲前接受到更多的愛，海馬體會較大。親身感受過閱讀的威力，Joyce在女兒兩歲後，決定開展自己第二個事業。
對準目標市場 細心挑選圖書
和上一篇媽媽創業故事一樣，Joyce開書店是一名新手，由零開始。她選擇先主力辦展覽及網店，以接觸更多家長。一年後時機成熟，選址中環會德豐大廈，開設第一間實體店。「我之前喺中環返工，好清楚中環人對小朋友教育嘅期望同要求。」對準目標市場外，Joyce認為小心入貨很重要，「我哋對投資金額有預算，亦會小心處理入貨量；如果你唔熟悉市場，唔睇書，係唔可以嘅。」Joyce更指，「香港好多書商賣書，根本冇睇過啲書。」她深信，賣書不是貿易生意，更不是賣紙，所以致力為圖書增值。去年年底更搬到現址，預留空間作課室，開辦與閱讀和教養有關的課程。
Joyce昔日讀商科，純粹因為家人都是做銀行，「畢業後好自然入呢行，雖然做得幾好，但都係返工等食飯，食飯等放工。但而家覺得返工是一種享受，成功感好大，像搵到『第二生命』。」會否因『第二生命』而冷落女兒？ 「佢哋要知道，爸媽都有自己工作，唔能夠俾晒所有時間佢哋；我工作好認真，希望佢哋可以從旁學到。」Joyce補充，「唔係因為咁，小朋友都唔會有咁多好書睇。而家連我個女都識得自己揀書！」
Source: Oh爸媽